Búinn að gefast upp á Windows Vista.

Þá er ég endanlega búinn að gefast upp á öllu því sem Windows Vista er.

Ég er búinn að afrita öll mín gögn yfir á netþjóninn, ræsa vélina í Linux og set upp Windows XP sem VmWare client. Þannig get ég notað þróunartólin fyrir Windows til að klára námið, en þarf ekki að ganga í gegnum þá kvöl að nota þennan hrylling dags daglega.

Stundum velti ég því fyrir mér hversvegna fólk lætur bjóða sér svona lélega vöru. Ef bílar væru í sama gæðaflokki, þá kæmust þeir ekki einusinni út af planinu hjá bílaumboðunum án þess að það væri skipt um vél tvisvar, bíllinn málaður þrisvar og ný brotin framrúða sett í stað þeirrar brotnu sem fylgdi með bílnum.

Fuss og svei.