Sammála flestu, en...

Það mætti kannski benda herra Karli Sigurbjarnarsyni á þá staðreynd að kristnin og kirkjan eru ekki þjóðararfur Íslendinga. Hvort tveggja eru bákn sem var troðið upp á íslenska þjóð óviljuga fyrir þúsundogátta árum síðan.

Það er öllu heldur kominn tími til þess að við leggjum niður kristnifræðikennslu í grunnskólum, enda á hún ekki heima þar. Í stað þess má nýta það fjármagn sem sparast til að stórauka kennslu í bókmenntum, málfræði, framsetningu og tjáningu. Félagsfræðina mætti einnig auka til muna, enda á hún að ná yfir sjálfsagða hluti eins og mannleg samskipti, gildismat, réttindi og skyldur.

Fyrir þær 655.2 milljónir króna (að frádregnum einum föstum prestslaunum) sem myndu sparast við að losa krikjuna af ríkisspenanum væri hægt að byggja upp menntakerfi sem væri umfram það sem gerist best á heimsmælikvarða, búa til menntafólk sem væri framsækið, skynsamt og öflugt, í stað þess að framleiða undirlægjur bókstafstrúar sem á ekki við nein rök að styðjast.

 Heimild um fjárlög til kirkjunnar

Alvarlegt ef börn rofna úr tengslum við þjóðararfinn

Athugasemdir

[Óskar Þorkelsson, 1.1.2008 kl. 14:23]

góður :)

[DoctorE (IP-tala skráð) 2.1.2008 kl. 10:03]

Það væri einnig hægt að hlú betur að öldruðum og öðrum sem þurfa hjálp í stað þess að henda peningum á trúarlega sorphauga

[Carlos Ferrer (IP-tala skráð) 2.1.2008 kl. 14:10]

Það verður að aðskilja kristin- og trúarbragðafræðina. Og gera greinarmun á trúfræðslu og trúarbragðafræðslu.

[Þór Sigurðsson, 2.1.2008 kl. 15:08]

Frábær pistill hjá þér Carlos :) Þarna er ég algerlega sammála.