Er fólk virkilega hissa á því að erfiðlega skulu ganga að...

26.1.2009 | 12:05

Er fólk virkilega hissa á því að erfiðlega skulu ganga að fá almenning til þess að nota strætó ?

Þegar hrært er í strætókerfinu jafn oft og raun ber vitni, þá er ekkert skrýtið að fólk gefist upp á því að nota þennan ferðamáta.

Það eitt að þessir apar skilgreini almenningsvagna sem „fyrirtæki með hagnaðarsjónarmið“, þá er skrattinn þegar laus. Þegar svo borgarstjórn leyfir þessu að viðgangast átölulaust, þá er síðasti naglinn sleginn í kistuna.

Persónulega get ég ekki beðið eftir því að það komi almennileg þíða svo ég geti tekið fram hjólið.

Rekstraraðilar strætisvagna Reykjavíkur og nágrenis hafa sýnt það og sannað síðustu 5 árin að þeir eru með öllu óhæfir til að stjórna og reka almenningsþjónustu.

Það eitt getur komið Strætó til bjargar að fyrirtækið sé lagt niður í núverandi mynd, og það fært „heim í hérað“ eins og var fyrir 20 árum. Rekið þetta eins og hverja aðra almenningsþjónustu (bókasöfn, skóla, osfrv.) sem ekki á að skila hagnaði, heldur veita þjónustu. Það á að vera langtímamarkmið að sparnaður náist í viðhaldi gatnakerfis og loftgæðum með því að fleiri nýti sér almenningssamgöngur í stað einkabifreiðar. Sparnaðurinn á ekki að koma fram í rekstri almenningssamgangnanna sjálfra !