Pólitískur hórdómur ?

Það fer ekki hjá því að það fari um mann að fylgjast með því sem er að gerast í borgarstjórn Reykjavíkur þessa dagana. Lengi hefur verið vitað að framsóknarflokkurinn eltist bara við þann sem heldur á stærstu gulrótinni, skítt með hugsjónirnar. En nú ber nýtt við, því Björn Ingi hefur með nýjasta útspili sínu tekið af allan vafa um Fransóknarflokkinn. Pólitískur hórdómur - það er ekki hægt að kalla það neitt annað, að slíta stjórnarsamstarfi á jafn ómerkilegan hátt og hlaupa í fjölvændi með þeim sem hann hefur undanfarnar vikur kastað hvað mestum skít í.

Mér er spurn, í ljósi nýafstaðinna atburða, megum við Reykvíkingar fara fram á kosningar ? Það æpir allt á að það fari fram kosningar. Það æpir allt innra með mér að þessi hrákasmíð borgarstjórnar sem nú er sest verði að víkja, og það áður en þeir endanlega eyðileggja fjárhag og fegurð minnar góðu borgar.

Og Dag B. Eggertsson sem borgarstjóra ? Er enginn sem sér neitt að því ?

Ég fæ það ekki af mér að setja allar þær hugsanir sem þyrlast upp í höfðinu á mér hérna, en þetta er stórslys, vægast sagt.

Sviptingar í borgarstjórn

Athugasemdir

[Finnur (IP-tala skráð) 11.10.2007 kl. 20:17]

Algjörlega sammála þér! Ég krefst kosninga!